"nu gehet se schon nuff, drobe im erschte schtock sitzt noch herr g. wisset se, der isch doch au wieder alleine. dem isch letztes joar die frau weggluffe, a ganz schmutzige gschicht war des, wisset se. und sie sind doch au singl, i bin ja neulich an ihrm haus vorbeifahre, da dacht i, noja, platz gnug hätt se ja, und i weiss des von ihra nachbarn, dass sie koi mann hän, nur so männliche gäscht, manchmal. jädenfalls soll ich ihna von herrn g. sage, dass sie die beiden letschten wärn, also, im gbäud, wegem schliessen un so. un eh sie heimgehn, solln sie doch noch mal zu ihm nuff. aber i mein, der hätt da a noch ebbes anners mit gmeint, der hat ä aug auf sie, also, des sag i ihna, un des bleibt under uns: jetzt schwätzet doch amal miteinand!"